នៅថ្ងៃទី១៩ ខែធ្នូ ឆ្នាំ២០២៥ “វេទិកាពង្រឹងសមត្ថភាពឧស្សាហកម្មមូលធន — វេទិកាសហប្រតិបត្តិការហិរញ្ញវត្ថុ និងឧស្សាហកម្ម កម្ពុជា-ចិន” ត្រូវបានប្រារព្ធឡើងដោយជោគជ័យនៅទីក្រុងសៀងហៃ។ វេទិកានេះមានការចូលរួមពី ឯកឧត្តម ស៊ូ សុជាតិ ប្រតិភូរាជរដ្ឋាភិបាលទទួលបន្ទុកជាអគ្គនាយកនៃនិយ័តករមូលបត្រកម្ពុជា (SERC) ឯកឧត្តមបណ្ឌិត ហេង វុទ្ធី ប្រធានសមាគមវិនិយោគចិននៅកម្ពុជា (CICA) និងជាទីប្រឹក្សាផ្ទាល់ សម្តេចបវរធិបតី ហ៊ុន ម៉ាណែត និងលោក Teng Cheng-Yueh ប្រធានក្រុមប្រឹក្សាភិបាលនៃក្រុមហ៊ុន ខេមបូឌា ស៊ីឃ្យួរឹធី ម.ក ក៏ដូចជាមន្ត្រីពាក់ព័ន្ធមកពីនិយ័តករមូលបត្រកម្ពុជា និងតំណាង
ផ្សាមូលបត្រកម្ពុជា បានចូលរួមក្នុងការផ្លាស់ប្តូរស៊ីជម្រៅជាមួយតំណាងមកពីវិស័យហិរញ្ញវត្ថុ ឧស្សាហកម្ម និងសេវាកម្មវិជ្ជាជីវៈរបស់ទីក្រុងសៀងហៃ ក្រោមប្រធានបទ “វិធីសាស្ត្រក្នុងការពង្រឹងសមត្ថភាពឧស្សាហកម្ម និង ហិរញ្ញវត្ថុក្នុងការឈានទៅមុខជាសកល ការចុះចត និងកំណើនប្រកបដោយប្រសិទ្ធភាព” ហើយបានស្នើឡើងនូវក្របខ័ណ្ឌសហប្រតិបត្តិការរួមបញ្ចូលគ្នាដែលដាក់ប្រទេសកម្ពុជាជាមជ្ឈមណ្ឌលពាណិជ្ជកម្មកណ្តាលក្នុងប្រទេសអាស៊ីអាគ្នេយ៍។
វេទិកានេះបានទាក់ទាញអ្នកចូលរួមជាង ១០០ អ្នករួមមានវិនិយោគិនជំនាញ ក្រុមហ៊ុនមូលបត្រ ធនាគារ និងស្ថាប័នហិរញ្ញវត្ថុផ្សេងទៀត សហគ្រាសឧស្សាហកម្ម និងតំណាងសាជីវកម្ម ដោយសម្រេចបានលទ្ធផលលេចធ្លោគួរអោយកត់សម្គាល់។
កម្ពុជា៖ ជាគោលដៅអាទិភាពមួយសម្រាប់ការចូលទៅក្នុងតំបន់អាស៊ីអាគ្នេយ៍ជាសកល ដោយរួមបញ្ចូលនូវសមត្ថភាពឧស្សាហកម្ម និងឱកាសទីផ្សារមូលធនជាដើម។
វេទិកានេះបានបង្ហាញថា កម្ពុជាបានកំពុងនឹងមានកំណើនសេដ្ឋកិច្ចប្រកបដោយចីរភាព និងឆាប់រហ័សក្នុងប៉ុន្មានឆ្នាំចុងក្រោយនេះ ដោយរដ្ឋាភិបាលបានលើកកម្ពស់យ៉ាងសកម្មនូវការធ្វើពិពិធកម្មឧស្សាហកម្ម ជាពិសេសតាមរយៈការគាំទ្រយ៉ាងខ្លាំងសម្រាប់តំបន់សេដ្ឋកិច្ចពិសេស (SEZs) និងការទាក់ទាញការវិនិយោគបរទេស។
ក្នុងពេលជាមួយគ្នានេះ ចរន្តនៃការប្រើប្រាក់ដុល្លារអាមេរិកដោយសេរីបានផ្តល់នូវភាពងាយស្រួលក្នុងការទូទាត់ ខណៈពេលដែលប្រព័ន្ធពន្ធដារកំពុងក្លាយជាស្ថាប័ន មានតម្លាភាព និងស្តង់ដារកាន់តែខ្លាំងឡើង ដែលចាក់គ្រឹះរឹងមាំនិងមានភាពចាស់ទុំ សម្រាប់ការពង្រីកទីផ្សារមូលបត្រ។
អ្នកចូលរួមបានស្វែងយល់ ទទួលបានព័ត៌មានយ៉ាងទូលំទូលាយ ចំពោះគោលនយោបាយឧស្សាហកម្ម ការសម្របសម្រួលក្នុងតំបន់ និងបរិយាកាសវិនិយោគដែលកំពុងមានភាពប្រសើរឡើងជាបន្តបន្ទាប់ ទីផ្សារមូលបត្ររបស់កម្ពុជាមានទីតាំងល្អសម្រាប់ការចាប់ផ្តើម ជាមួយនឹងការរំពឹងទុកនៃការចុះបញ្ជីសាជីវកម្មកាន់តែខ្លាំងក្លា និងតម្រូវការហិរញ្ញប្បទានឆ្លងដែននាពេលអនាគត។
ការកសាងដំណោះស្រាយជាសកល តែមួយកន្លែងតាមរយៈ “វេទិកា – ដើមទុន – តំបន់សេដ្ឋកិច្ចពិសេស”
នៅក្នុងវេទិកានេះ លោក Teng Cheng-Yueh ប្រធានក្រុមប្រឹក្សាភិបាលនៃ ក្រុមហ៊ុន ខេមបូឌា ស៊ីឃ្យួរឹធី ម.ក បានថ្លែងថា នឹងធ្វើការសហការជាមួយសមាគមវិនិយោគិនចិននៅកម្ពុជា និងតំបន់សេដ្ឋកិច្ចពិសេសកម្ពុជា-សៀងហៃ ដើម្បីផ្តល់សេវាកម្មតែមួយកន្លែង( One Stop Service) សម្រាប់សហគ្រាសចិនតាមរយៈគំរូបិទជិតនៃ “វេទិកា → ដើមទុន → តំបន់សេដ្ឋកិច្ចពិសេស” ដែលគ្របដណ្តប់លើ៖
• ការចុះចត និងការបង្កើត៖ ការជ្រើសរើសទីតាំង SEZ ការរៀបចំរោងចក្រ ឬការិយាល័យ ការផ្គូផ្គងការផ្សព្វផ្សាយវិនិយោគ និងការរួមបញ្ចូលធនធានគាំទ្រ
• ការពង្រឹងសមត្ថភាពហិរញ្ញវត្ថុ និងដើមទុន៖ ការធ្វើផែនការហិរញ្ញប្បទាន ការរចនាផ្លូវទីផ្សារមូលធន ការផ្គូផ្គងវិនិយោគិន និងការលើកកម្ពស់ទីផ្សារ • ការគាំទ្រផ្នែកអនុលោមភាព និងប្រតិបត្តិការ៖ កិច្ចសហប្រតិបត្តិការពហុឆានែលជាមួយក្រុមហ៊ុនច្បាប់ឈានមុខគេនៅសៀងហៃ និងវេទិកា M&A ឆ្លងដែន ដោយផ្តល់ការគាំទ្រផ្នែកច្បាប់ រចនាសម្ព័ន្ធ ប្រតិបត្តិការ និងការធ្វើសមាហរណកម្ម M&A
គំរូនេះមានគោលបំណងជួយសហគ្រាស “ចុះចតដោយជោគជ័យ ដំណើរការប្រកបដោយស្ថិរភាព និងរីកចម្រើនយ៉ាងឆាប់រហ័ស” ដោយប្រើប្រាស់ឧបករណ៍ហិរញ្ញវត្ថុ និងសមត្ថភាពទីផ្សារមូលបត្រ ដើម្បីពង្រឹងសមត្ថភាពអភិវឌ្ឍន៍ឧស្សាហកម្ម — ធានាមិនត្រឹមតែឆ្ពោះទៅកាន់សកលលោកប៉ុណ្ណោះទេ ប៉ុន្តែឆ្ពោះទៅ
កាន់សកលលោកដោយជោគជ័យផងដែរ។
ការលើកទឹកចិត្តក្រុមហ៊ុនចុះបញ្ជីចិនឱ្យបង្កើតអង្គភាពអាជីវកម្មនៅក្រៅប្រទេស (ជាពិសេសអាស៊ីអាគ្នេយ៍) នៅកម្ពុជាវេទិកានេះបានផ្តល់អនុសាសន៍ជាពិសេសថា ក្រុមហ៊ុនចុះបញ្ជីចិនគួរពិចារណាបង្កើតអង្គភាពអាជីវកម្មនៅក្រៅប្រទេសរបស់ពួកគេ — ជាពិសេសផ្នែកអាស៊ីអាគ្នេយ៍ — នៅក្នុងប្រទេសកម្ពុជា ដោយបម្រើជាទីស្នាក់ការកណ្តាលតំបន់ និងមជ្ឈមណ្ឌលដាក់ពង្រាយដើមទុន៖
១. កម្រិតប្រតិបត្តិការ៖ ការប្រើប្រាស់កម្ពុជាជាមជ្ឈមណ្ឌលកណ្តាល និងដាក់ទីតាំងសម្រាប់ អាស៊ីអាគ្នេយ៍ ដើម្បីបង្កើនប្រសិទ្ធភាពការគ្រប់គ្រងពាណិជ្ជកម្មឆ្លងដែន និងការរួមបញ្ចូលធនធាន
២. កម្រិតឧស្សាហកម្ម៖ ការប្រើប្រាស់ចង្កោមឧស្សាហកម្ម SEZ ការគាំទ្រគោលនយោបាយ និងសមត្ថភាពស្រូបយកខ្សែសង្វាក់ផ្គត់ផ្គង់ ដើម្បីពន្លឿនការដាក់ពង្រាយសមត្ថភាព និងការចូលក្នុងទីផ្សារ ៣. កម្រិតដើមទុន៖ ដើរតាមមាគ៌ាច្បាស់លាស់នៃ “អង្គភាពអាជីវកម្មនៅក្រៅប្រទេស → ការចុះចតឧស្សាហកម្ម → ការធ្វើផែនការដើមទុន” ដោយបង្កើតយុទ្ធសាស្ត្រហិរញ្ញប្បទាន និងចុះបញ្ជីដែលបានកំណត់បន្តិចម្តងៗ ខណៈពេលដែលស្វែងយល់បន្ថែមទៀតអំពីប្រតិបត្តិការដើមទុនអន្តរជាតិដោយផ្អែកលើការអភិវឌ្ឍទីផ្សារដើមទុនរបស់កម្ពុជា។
ទស្សនវិស័យ៖ ការពង្រីកភាពស៊ីសង្វាក់គ្នាផ្នែកហិរញ្ញវត្ថុ និងឧស្សាហកម្មរវាង កម្ពុជា និង ចិន តាមរយៈកិច្ចសហប្រតិបត្តិការស្ថាប័ន និងផ្អែកលើគម្រោង
តំណាងបានកត់សម្គាល់ថា ចាប់ពីពេលនេះតទៅ យន្តការទំនាក់ទំនងជាប្រចាំ និងការផ្គូផ្គងគម្រោងជាក់ស្តែងនឹងត្រូវបានអនុម័ត ដើម្បីលើកទឹកចិត្តដល់ដំណើរទស្សនកិច្ចសហគ្រាសបន្ថែម ការចុះចតគម្រោង និងកិច្ចសហប្រតិបត្តិការដើមទុន។ ក្រោមក្របខ័ណ្ឌកិច្ចសហប្រតិបត្តិការបីក្នុងតែមួយ នៃ «ការស្រូបយកឧស្សាហកម្ម + ការផ្តល់អំណាចផ្នែកហិរញ្ញវត្ថុ + សេវាកម្មវិជ្ជាជីវៈ» ការគាំទ្រកាន់តែខ្លាំងនឹងត្រូវបានផ្តល់ជូនសម្រាប់ការអភិវឌ្ឍរយៈពេលវែងរបស់សហគ្រាសចិននៅក្នុងប្រទេសកម្ពុជា និងទូទាំងអាស៊ីអាគ្នេយ៍។
